გარე სივრცეების მოწყობა

როგორ გადავაქციოთ ეზო, აივანი თუ ვერანდა იდეალურ ზაფხულის კუთხედ?

როდესაც ზაფხული ნელ-ნელა ახლოვდება და მზის სხივები უფრო მსუბუქი და სასიამოვნო ხდება, ხშირად გვიჩნდება სურვილი დავისვენოთ და ვისიამოვნოთ ღია სივრცით.ზაფხულის დადგომასთან ერთად, ჩვენი ყოველდღიურობა ღია სივრცეებისკენ ინაცვლებს — აივანი, ბაღი, ვერანდა თუ პატარა ეზო იქცევა ძირითად თავშეყრის, განტვირთვისა და ხანდახან მუშაობის ადგილადაც კი. სწორედ ამიტომ, გარე სივრცეების გონივრულად მოწყობა და მოვლა დიდი მნიშვნელობის მატარებელია.

აივნის და ვერანდის მოწყობა
პატარა აივანი შეიძლება იქცეს მინი ოაზისად.
- სივრცის მაქსიმალურად გამოყენება
- კედელზე სამაგრებით ავეჯის დამონტაჟება
- კომფორტული განათებისა და ტექსტილის შერჩევა

სწორად შერჩეული ავეჯი
ბევრ ადამიანს უყვარს გარეთ, სუფთა ჰაერზე კვება, ამიტომ აივნის მოწყობისას პირველი ნაბიჯი ხშირად მაგიდისა და სკამების შერჩევაა. აივანი შეიძლება იდეალურ სამზარეულოდაც იქცეს, განსაკუთრებით იმ შემთხვევაში, თუ ბაღი ან ვერანდა არ გაქვთ. ამიტომ, შესაძლებელია აივანზე გრილის განთავსება და გარე კულინარიისგან სიამოვნების მიღება.
თუ სივრცე შეზღუდულია, გონივრულია ისეთი დასაკეცი ავეჯის არჩევა, რომელიც მარტივად შეგიძლიათ შეინახოთ, როცა არ გჭირდებათ. აივნების ან ტერასების მოწყობა შეგიძლიათ უფრო კომფორტულადაც – დასაჯდომი სივრცე, ჰამაკი ან ბაღის საქანელა. გამოიყენეთ რბილი ბალიშები და პლედები, რათა შექმნათ მეტად მყუდრო ადგილი დასასვენებლად.

მწვანე ოაზისი, რომელიც ბუნებასთან დაგაახლოებთ
ქალაქურ გარემოში ბევრ ადამიანს არ აქვს საკუთარი ბაღის ქონის შესაძლებლობა, ამიტომ გირჩევთ, რომ თქვენი მწვანე კუთხე აივანზე ან ტერასაზე მოიწყოთ. ჩვეულებრივ მწვანე და ყვავილოვან მცენარეებთან ერთად შეგიძლიათ მოიყვანოთ სურნელოვანი ბალახეული და ბოსტნეულიც, ასევე პატარა ხეხილოვანი ხეებიც დიდ ქოთნებში. თუნდაც სივრცე შეზღუდული იყოს, შეგიძლიათ ქოთნები მოაჯირზე ჩამოკიდოთ, დააყენოთ კედლის თაროები ან გამოიყენოთ სხვადასხვა ტიპის სტენდი. შემოქმედებითად შეგიძლიათ გამოიყენოთ ჩვეულებრივი ხის კიბეც, რომელზეც ყვავილების ქოთნებს განათავსებთ და ასე გაალამაზებთ აივნის იერსახეს.
დახურული აივნებისთვის კი არსებობს სპეციალური მცენარეთა საკიდები, რომლებიც ჭერზე ან სახურავზე მაგრდება და სხვადასხვა დიზაინით ხელმისაწვდომია, ასე რომ მარტივად მოარგებთ თქვენს სტილს.
მცენარეები არა მხოლოდ აუმჯობესებს აივნის საერთო ვიზუალს, არამედ დადებით გავლენას ახდენს განწყობაზე, აუმჯობესებს ჰაერის ხარისხს, ამცირებს სტრესს.

გარე სივრცეები ზაფხულის სტრესისგან გათავისუფლების საუკეთესო საშუალებაა. კარგად განხორციელებული აივნის ან ტერასის რემონტი თქვენს საცხოვრებელ სივრცეს გააფართოებს და ცხოვრების სტილს გაამდიდრებს. გააზრებული რემონტის საშუალებით შეგიძლიათ აივანი ან ტერასა გადააქციოთ სასიამოვნო დასასვენებელ კუთხედ, მეგობრებთან შეხვედრისა და გართობის ადგილად, ან პატარა მწვანე ოაზისად, რომელიც გააუმჯობესებს თქვენს ყოველდღიურ ცხოვრებას და ბუნებასთან დაგაახლოვებთ.
ზაფხული იდეალური დროა იმისთვის, რომ გადადგათ პირველი ნაბიჯი და სრულად გამოიყენოთ თქვენი გარე სივრცის პოტენციალი.
წყარო:
https://www.helios-deco.com/en/tips-and-tricks/renovating-your-balcony-or-terrace-create-a-charming-outdoor-corner-for-enjoying-the-nature/